ZODFC ANTHEM

ZOD FC ANTHEM
ZOD seinouguolte aw
ZOD diellap khu khaisang vai
Zo vontawi lie leh tangteng aw
Lungkituoh machieng suon khawm vai
[d d d d r m f s
l l l m d m f m r
d d d d r m f s
l l s m d m r d]

Tung Sienmang min suong in pangkhawm vai
I Zogam miel khu tanvah ding
Lungkituoh tui bang luongkhawm vai
ZOD Football Club domsang vai.

[d’ d’ d’ r’ d’ t l l s
l l s m d f m r
d d d d r m f s
l l s m d m r r d]

ZOD seinouguolte aw
ZOD Football club tawisang vai
Zou vontawi lie leh tangteng aw
Lungkituoh machieng suon khawm vai

Tamchon Trophy – An Analysis Group 'D'

By T.Douminlian,

Manager ZOD FC

(Zo Organisation Delhi Football Club)

Tuesday, 10 November 2009

October 31 apat ana kipanta The 3rd North East R N Tamchon Memorial Football Trophy 2009 League Round kimawlna match 40 um diing lahah tuni (10.11.2009)
tan in Matches 30 umta hi. Group 4 (A, B, C & D) in kikhen a, group khat apat team 2 zeel knock-out kai diing uhi. Tam league round in Nov. 16 tan daih diing hi. Group 4 akikhen lah ah, ZODFC umna Group ‘D’ ahi. Tuni tan in Group ‘D’ akipat Knock-out phase (Quarter Final) kai diing koimah kichian um nailou hi.

Match 3 kimawlna tan ah, DMZP in point 4 (Lost 1; Won 1; Draw 1) ngah ta a, goal score 21 nei hi. ZOD FC in point 7 (Lost 0; draw 1; won 2) ngah in, goal score 9 nei. Zeliangrong FC in point 7 (Lost 0; draw 1; won 2) ngah in goal score 17 nei. DART FC (Ao) in point khat jong munai lou uhi. SSPP FC in play 2 tan ah point 1 (Lost 1; Draw 1; Won 0) ngah in goal score 5 nei hi. Tutan a et in ZODFC leh Zeliangrong in point 7 tuoh amuh ziah un, Knock-out stage naideuh pen uhi. Hinanleh, anigeel adiing in lungmuang leh ihmut nuam a ihmut theih ahi nai tuan sih hi.

ZOD FC in play 1kineinalai h SSPP FC toh match khat umnalai hi.I zoh uleh Point 10, aki draw pih uh leh point 8 kimu tou diing, knock-out kikai pai diing hi. Hilehjong , knock-out kaina diing bangma kigen theinailou hi. DMZP in play 1 Zeliangrong FC te toh neinalai uhi. Zeliangrong FC te a zoh uh leh point 7 mu di uo, a ki-draw pih uh leh point 5, hinanleh a zoh sih uhleh point 4 toh innlam zuan diing uhi. Ahi’a, a zoh ngeingei uh leh, goal score aneih hoih jieh un knock-out stage lut na’ng chance nei hoih mahmah diing uhi. Tam ahileh ZOD FC in SSPP FC te I zohsih uleh chihna ahi. Tuojieh in, DMZP te QF akai na diing un Zeliangrong te azoh teitei uh ngai, chihna hijeel.

Alehlam ah, Zeliangrong FC te tu’n point 7 muta uo DMZP toh last play nei diing uhi. Hi match anih tuo geel adiingun apoimoh dan kibang hi,Ajiehpen Zeliangrong FC ten DMZP te azoh uh or, a ki-draw pih uleh Zeliangrong FC te Knock-out lutsa chihna himai. Hinanleh, DMZP te a zohsih uleh point 7 nei di uo, DMZP in goal score nei hoih zaw ahihman un amau (Zeliangrong FC) adi’n lauhthawng huai pha veve hi. Ajieh ahileh, SSPP FC ten ZOD FC hing zou moh taleh uh Chance nei nawn mongmong lou DART FC (Ao) te zou thei banah goal bangzah akhum di uai, chih kigen masa theih hetlou hi (Nov. 16 a kimawl diu)Tuojiehin, Zeliangrong FC te leh DMZP te kimawlna crucial mahmah diing a “Do or Die” match (anihtuo uo diing in hi diing hi).

SSPP FC in tu’n play 2 nei a, Nov. 11(cancelled) in ZOD FC leh Nov. 16 in DART FC (Ao) te toh kibei diing uhi. Tu in point 1 chouh nei ulehjong, point 7 mutheinalai uhi, goal score tampi muthei nalai uhi. Hinanleh Knock-out stage tan atungna diing un ZOD FC leh DART FC te azoh teitei uh ngai hi. SSPP FC in azoh leh, ZOD FC (tua goal score 9 kinei) toh point 7 tuoh mu diing hi. Ahi’a, ZOD FC in point leh goal score imuhbeh theihna diing SSPP FC te chouh toh ahi. Alanglam ah, SSPP FC in point leh goal score a muhbeh theih na’ng ZOD FC leh DART FC (Ao) te ahi hi.

Tua sil umdan pen, SSPP FC QF alutna di’n team dangte play dan ah kingah mahmah hi. Abihtah in, DMZP leh Zeliangrong FC te play ah. Zeliangrong FC in DMZP azoh lou tawp a, aki-draw pih ngeingei leh SSPP FC adia chance um chihna himei. Hilejong, DMZP in Zeliangrong te azoh daih uh leh chuh team 4 teng point 7 a um theih dinmun ahi. Huchi’n QF kai di di chuh goal score in decide ta diing ahi mai. Tampen, Nov. 13(anichet di kitheinailou match cancel jieh) tan akithei di dan hia. SSPP FC in ZOD FC ang zoh ngeingei uleh, chihna hi zel.

Tua kawmkal ah, ZOD FC in SSPP FC te izoh a, ZeliangrongFC in DMZP a zoh louh leh, QF lut di chuh ZOD FC toh DMZP (point 7 tuak apan Goal score hauzaw) chihna hi mai.
Hinanleh Zeliangrong FC in DMZP a zoh or aki draw pih a, SSPP FC in ZOD FC ang zoh uleh chuh ZeliangrongFC leh SSPP FC QF kai di, chihna hijeel. Tam teng jieh in, Group ‘D’ a Best 4 team te(Zeliangrong FC,ZODFC ,DMZP & SSPP) akoikoi adiing in, lungmuang tah a um theih ahi sih hi. League round last play match tan in jong QF lut di, buoi huoi nalai mama diing hi .