INNGUO LE GAMGUO

Pawl miteng,
Tu a sanggampa Thawng Thang gen in tulaitah Zo te behthamlo, Sim, Falam, Hakha le Khamtung or Singtaang mite dinmun talangh sah in mu'ng. Aziehpen, I pianna gam Khamtung gam ah ki om nawn lo in, Kawl, Kala, Sen te kawmkal beh ah ki om nawn lo in, Mivom Mikang te kawmkal ah kaipi suangte bangin ii om ua, mimal in khat veivei ii ompi te sangin neizawh le theizawh ii nei phiel ding zongun, a tangpi in, amau theiza, amau neiza ki nei lo thei mawh a hiziehin, amau te kawmkal ah suatat ding hamsa mama theia, ii suatatna dingun amau ham, lai, ngaina le omzia te sin in ii theisiem masang sia uh, amau tawh tan kikim ding hamsa mama dinga, tua ii hanciem na uah, ei ma ham, ngaina le tawn ziate mangngil, theingil ding ol mama, bai mama ding ahi ziehin, ii ham uh a) inn sung kihona ah zangh ding 2) biehpiehna ah zangh ding. Inn sung ham ah ei ma kam limtah iizah thei uh le, mun dang ah zong ei ma ham tawh mite tawh kiho na lem pai ding hi. Gente na'n, Tedim, Kawlpi le mun tuam a om Zo te hon khat in inn sung kiho na ah, ii Zo ham znagh lo in Sim ham or a dang te zangh ua, Zo ham tawh limtah in ii mite hopi thei lo uhi. Pasien ii biehna uah, eima ham zangh lei, kammal thupi te theina kibelap sah beh tham lo, Lai Siang Tho "Kam zosia, lei zosia in Zeisu in Topa hi, ci ding " tangtun na hi. Yangon le Khuapi pawl khat a om Singtangmi/ Khamtungmi pastor honkhat in a biehinn uah Pasien biehna le phatna in Kawl ham zangh ua, tua in, Zo ham/ Singtang ham mangngilna ding tha pe nah mama hi. Kawlgam Galkap kumpi ten a khut sielki tum ding uhi. Ham namkim thei in, Vantung mite ham na ngawn thei in eima pianpi ham thei sih valien lei bang ci ding! RC pope ten hampi "major language: English, German, etc" te a thei hangun amau pianpi kam mangngil deh lo uhi. Mi vom te White House ah kumpi sem a a to ding tu masang kum 60 lai in, koi man um ngam lo a, tu na ngawn in hi a sa theilo America mikang te honkhat om lai hi. J.F Kennedy in "hlapi tung ah mi ii pei sah ding ua, hlapi tung pan leitung dam le bit tah in ang pei kia ding uhi" a ci laitah in mi tawm khat beh in um ci uhi. Zo te sung ah Unau Pawlpi kipat kum 1970s lai te in, tu zo kum 30 pawl cieng Unau Pawlpi sunga om Zote munkhat ah ki tuam khop vai, ci mukholna nei lo ding uhi. Tua mabangin mailam kum bang za pawl cieng ei khat in, Zo RC ang om mel koi in thei! Om malmal sih vah, koi in ci ngam ding! RC history ang lunglut huai semsem ee! U. Kam Khen Mang ci bangin "ZBA, Zo Synod te a om ziehin Zo a om a sih a, tua te a om masangin Zo om zo hi". Ahiang, Kawlgam sung uh, Zo ii om lam uh kipawlna tawh a lah masa pen, ZBA ahia, ZBA a om man in Zo piang a hilo hang, ZBA ang pianman in, Zo te geina ang kilang hi. Bang tawh kibang ei ci le, Lawng: Sakol lawng, Bawng lawng ten sakol om na le bawng te om na talangh uhi. I mite a tamzaw'n pianna gam le khua le tui nuasia in gam tuam ah midang te tawh om in midang te ham vive nisiel in zangh ta a hiziehin tu a dan a ii pei suah uh le, I ham man a man lo ding ii gen khol thei lo hangun Zo ham a zangh mi ang tawm semsem ding hi. Kawlgam a a na om ngai, tun a om nawn lo Pyo minamte phawh den gige vai. Vantung or Hell na tun cieng bang ham zangh dingin na kilam en ei? Ahi sih le, na tunpi midang ten bang ham zangh dingin na um ei? Zum: office, sang: school/ university lah ah Zo ham kizangh ngai nawn lo kha ding ahiziehin, inn sung le biehinn a ii ham iizah sih le, piangsawn Zo Vonton ten Zo ham zangh nawn lo ding uhi. Hai gam, haigam ii tung zongun inn sung le Biehiinn ah ii ham zangh uh lei, Zo ham kepcing na'n hoi pen lai dingin ka upna le ka lametna ang at ka hia, gen khiel sut khiel a om le ei na ngaidam ta vua.. Zo Ham, Zo Lai a Pallut semsem ding lunggulna le upna tawh, Hang Do Lian Vantung ii tuncieng

On Thu, 11/12/09, thawng thang wrote:
From: thawng thang
Subject: [puzonet] Inn Guo Le Gam Guo
To: puzonet@yahoogroups .com
Date: Thursday, November 12, 2009, 2:14 PM
INN GUO LE GAM GUO
(by-zoheisathang- new orleans)
Tulaitah in Zomin man maw na dingin Zo Baptist Assosietion ( Z.B.A) le Zo Presbyterian (Zo synod) tamgel inei hi.Adangte pen amun le agam ahun zui i,min tuom tuom inei hi.Bang hita leh a om sate Pasien min tawh kip sahin a omnai lo te ah bang ci ki kaihtuo lei a hoipen diei chi khu lung ngai huoi thu ahi.Leitung pawlpi zosie lah panin Catholic pawlpi sungah unity ompen hi cileih ki khiel in ka um sih hi.Hizong nan leh bang jieh in ZO catholic pawlpi om nailo ci thu zong ZO kam ham Father, Rev, ten thei pen ding hi.Mikam kawma, Pasien bieh nuomsa zaw i mah?A hisih leh ZO nam mawng mawng puotah sa lo ihi ahei? ci zong Zokam ham, Zonam it, Zo catholic ten ngai suthuoi kasa hi.puzonet @yahoogroups. com pen midang ten hon pieh in ka um kholsih hi.Hi zong leh pawl khat ten(english) tawh i at a,pawl khat ten Tedim kam tawh i at hi.Na manglai siem vuh leh na Tedim kam siem vuh pen ahoi na hi.Hi zong nan leh Pasienin minam khat,Haam khat,eina nei sah hi.Mangkaang ten Pasien thu a thei na dingin Mangkaangte ma nazanga,Kawlten Pasien thu a thei na dingin Kawlte ma na zang hi.Zoten Pasien thu a thei na dingin Zote ma nalaam sang hi.Eima leh eima ki puosawmlo in mite vapuo puo cizong Pasien mu nah bang aci dei?A hi sih leh tu laitah Zomin langpan politicians te pawlkhat tawh ki gulluh atadei ci huoi valia hi.Kawlgam a, Pasien na semten Kawlkam azah pen ahi ding ma hi.Khamtungah Kawlkam kizang nawnlo hi.U.S ah zong ahun zui in pawl khat ten kawlkam zangma nan leh,tu lamlam ciengin kawlkam po leh pawikam po tawh pasien thu gending ahi nawn siha Zoten Zokam ma zanga Pasien thu gen ding ahi ta hi.Miten zong ama haam leh amakam tawh Pasien thu nagen na lel ding hi.Tuo ziehin eizong miham po kawma,Pasien na isep sangin eima neisa eima kamma zangin imi nam ma panpi leih ki zawi tawn pen kasa hi.Mi kaangten zong lamdang sa lo ding hi.U.S ah visa te extension bawlkul nawnlo in I tukhang ita khang om thei ding ihi ta hi.Mailam khang 2/3 ciengin M.D,te Ph.D te tampi inei ta ding a,Tuo ten National level leh world level a na angsep thei na dingin tulai tah a nu le pa ten ita te lampi hoi lampi maan i peipi ding kisam hi. Eima haw ilampi zui amaan sih leh ita te van dawn hol in pil zongin hing ki zang thei lo ding hi.Gamdang tuomtuom tung Zoten Zomin ma bulphu in ministries na bawl vuh lah cin Zo min zong mang nawn lo ding a ngai na leh mi nam te zong kepsa suoh ding hi.Thamlo in Nam le Cii Gam le lei te zong puo thei na hun te hing tungding a,tuo hun ciengin AW na ci zongin hun om ta lo ding hi.Tua zieh in tuo ki pan in Gamguo na puo sangin Inngou na puo lah cin NA NAA LAW BEEH zaw ding hi.