ZOD GB MEETING 14 AUGUST 2009

Date 14 August 2009 niin, ZOD Hqtrs at, ZOD GB Meeting lawchingtahin a kizouta hi. Hunpatna in Tv Letminthang in Psalm No. 23 a simzaw in Pasien kungah thumna a nei hi. Gen.Secretarypu in Leave of Absence a'ng theisahna dungzuiin, House in phasahna a pie hi. Finance Secy leh Treasurer te manlou tuomtuom nei in, hing telthei lou ding thutut a kimu dungzuiin, House in Leave of Absence a pie kia hi. Mipi 50 val in tam ZOD meeting a'ng uop uhi. Hun sawtpi kikupkhawm zaw in, tam aneia thupassitnateng(Resolutions) kithukimtahin khuttung chiet in, a kibawl hi.

1) ZOD pen Non-political, philanthropic, social organisation ahi, chi thu pen namdetna a kinei chiet hi. Tuma kum 5 kum 6 peisa huntenga, nasep hoi leh silhoi kibawlte mabanga masawn tou zel dingin pha a kisa chiet hi.

2) ZSP leh ZYO te'n ZOKUAWMTHAWN Editorte bangma mawna leh khielna neiloupia, a galgihnate uh, thusimlou leh thuselou ahi phot a, NULL and VOID chiin a'ng peikhawmteng in phasahna a nei uh hi. Tulang kalsie, hichi banga, NAM minsietna ding thu leh late, ZYO hitaven, ZSP hitaven phohbul leh khetbuh a, hing zang nawn lou ding un, tam ZOD thupuasahna tungtawn in, ADVICE leh theisahna hing kitalang ahi.

3) ZOD Ex-Chairman Mr. Khakhai Zou in, Delhi Zou Papite Press Release zou a, Pu. Philip Thanglienmang DANICS dandihloutaha, a mawpaina leh a ngawna pen ama'n Personal Attack a bawl nuom zieha ZOD khetbuh zang a, a na suokhie thute pen thusim lou leh thulahlou i.e NULL and VOID chiin a kipomta hi.
Tua leh October ni 7 nia, Tv Mangkholun lamkaina toh, ZSP Fresher Meet na kizahdan pen i Nam a dinga zumhuoi mama leh, thanghuoi mama, chiin nawn vawtlou ding gamtat hoilou ahia, tuami buoina patsa JNU Community Hall pen namdangteng dinga kham ahiban ahi, kizangthei nawnlou ding hiel a, a'ng op pen Delhi a ZSP DB leh a lamkaipa chitlana zieh ahi, chiin a'ng peikhawmteng in Zou minsietna tunpa ahi chiin, a kimelchi chietta hi. Tulangkalsie in, eima leh eima kivuohna leh kisatna dingin namdangte chiel sawm da haamhaam lei, hoiva chiin a'ng peikhawmteng in pha a kisa chiet hi.

4) Date 29 November 2009 nia, ZYO phut ding chia, ZOD Executive in bangma quorum leh dan zuiloua, thu leh la a na saite uh, genkhawmna a kinei a, ZOD Executive leh Senior member, Papite theipi loua, ZOD mergerta chi pen na kipomlou leh tunua chienga zong pomlou ding chiin a ahing peikhawmteng in a kithukim chiet uhi. ZOD meeting na a ZYO kigen pen thusim lou leh thuselou chi khuh namdet ahita hi. ZOD Executive luite pen nam ittahtah loute ahi u'a, tangthu in, ZOD doute chiin a kitheizingta ding hi.

5) Pa Khakhai Zou in, ki president sahtah a, ZYO khutlai a zanga, Delhi Lutheran Church a'ng kiphukhietna thu pen, Pu Philip Thanglienmang ZOD Chairmanpa INSTIGATE ahi chia, a mawh ngawphei suhna pen thudihlou ahia, tam pen pomtheilou leh pomlou ahi chiin a’ng peikhawmteng in pha a kisa chiet hi. ZYO khutzah a zang a, lum leh phaw a zanga, I gam sunga I Zo/Zou sunga Bishop masapen Right Rev.(Dr) Ginkhanmung Zou, Bishop of MELC, hina leh right zatatpi lou a, ZYO President min zanga, Unlawful Activities of Philip Thanglienmang chia laihah abawl pen mipilte silbawl ahi sih a, mi mawte(mote) ngaisutna leh natoh ahi chiin a’ng peikhawmteng in, a kalval a, kilawmloutaha, mi khat leh ni suhmuolphou sawm maimai ahi chiin, dahuoi leh zumhuoi sahna a kinei chiet hi. Tukalsie, tam banga Nam Organisation khat leh agency(ZYO leh ZSP) pen khat mimal mudana zieh amaw?, mimal gensiet nuom zieh amaw?, mimal suhmuolphou sawmna chite i milien i lalte tungah phohbul a, zah nawn lou dingin, Pa Khakhai Zou leh a puppetteng kungah ZOD memberpiteng in ngetna leh theisahna a kibawl hi. Tam thu pen MELC Headquarters ah theisahna kibawl leh hoiva chiin kithukim chiet hi.

6) Pu Philip Thanglienmang DANICS leh a innkuonpite; azi leh atate ZSP DB in Chielna Lai(INVITATION CARD) a na kipe sih hi. Invitation Card a na petama uh leh zong, Pu Philip adingin tuami ZSP Fresher Meet ni pen Suty ahilou ban ah, atate School zong suty hilou na lai hi. Khu ban ah, kum 10 val Zo/Zou Fund i.e ZSP Fund a pe tampen leh a lieu tampen a na hina zong zatatpi loua, ZSP Freshers Meet Boycott leh subuoi a na mawh ngaw suh pen uh, nuizathuoi leh dahuoi a kisa chiet hi. Ama leh a zi tanpha guoh hilouin, atate teng zong, ZSP Boycott chia a suo pen uh, zong leitung a Civilized te gamtat ahi loudan a'ng peikhawmteng in, a thei u'a, a bawlte nasepteng zumhuoi thanghuoi ahi ban ah, mothuoi a kisa chiet hi. Pu. Philip Thanglienmang DANICS leh azi Nu Nuomzavung tegel ZSP Golden Jubilee a Chief Guest dingin Zo/Zou mite ngaina leh ZSP ngaina ahiziehun, ZSP Gen. Hqtr Pu Khamchinmang leh Zo/Zou sunga milien milal, siempute, hausa upa tampite'n a hachiel mama zieh uh leh a lawm a guolte'n a na ha chiel ziehin, tawm ngaitahin, October 15, 2008 niin, ZSP Golden Jubilee Chief Guest in a va pang a, ama'n mipite a va hasotta hi. Tuaziehin, ZOD memberteng in, Pu Philip Thanglienmang DANICS leh Pi Rebecca Nuomzavung tegel zinlien a ava panthei ziehun, kipahpina leh patatna sangpen a kipie hi.
Tam toh kisai a, Personal Attack nuom zieh u'a, Delhi ZSP Branch lamkai leh upa pawlkhat in, Pu Philip Thanglienmang DANICS in nei leh lam, sum leh pai itlou a, Delhi khopi sunga ZSP kum 7-8 a na support den ahi chi pen thei uh leh zong theilou kipang leh theipilou dan a, Ama Chief Guest panna tanchieng, khamzou leh khamtanthei dinmun leh thanei khophiel a, thu leh late a na suo uh, a na gen pen uh, mothuoi a kisa chiet a, nuizathuoi zong a kisa chiet hi.

After thought nei pum a, ZSP khetbuh a zanga ZSP Delhi Branch in PUBLIC CONDEMNATION 29 OCTOBER 2009 nia a na suo pen uh, zong Ama mimal mudana, ama' ki-engsietna, ama suhmuolphou sawm maimai, bawl ding theilou a, Delhi a mawh op, mi khat leh nite bawl ahi chi a kitheikhiet ziehin, mothuoi a kisa chiet hi. Tulangkalsie, NAM it leh ngaina na hi uh leh, hichi bang ZOD Chairman khat leh i mi i sate, i NAM organisation dinga kiphaltaha na kipe zing leh ahing kipekhete dahbawl nawn lou dingin, ADVICE leh thuhilna ZSP makaite hitaven, ZYO lamkaite hitaven, amaute tungah ZOD ngainate leh mipite'n ka'ng theisah uhi. Tua ban ah, tam Delhi Khopi sunga laisim dinga hing om a, a simlou a tapvateng( amin kithei siengta hi) leh ZSP leh ZYO phohbul zah a zanga, Zo/Zou studente subuoi zing gige a, Zo/Zou society sunga buoina siemte, thusie lasie thezahte leh piengsahte khu a nu a pate tanpha kungah theisahna kibawl heh chiin phasahna a kinei chiet hi.

7) Tukum phalbi kipat kuon lam chiengin, ZOD AGRA TOUR KIHAW SAWM DING ahi. Tuami adingin, min pe utteng tam aneiate kungah min na pethei ding uhi. FIRST COME FIRST SERVE; Mi 55 a chinchin leh Admission kikha pai ding ahi.
i) Khamsienpau Munirka Area(9891843217,9899951458)

ii) Letminthang North Delhi Area(9971311624)

iii) Lalboi Bharatnagar area(9990855126,9555670976)

iv) Richard Vikaspuri-Janakpuri Area(9871473758)

v) Goulun and John Zamkhomang; Gurgaon Area(9899672087)

vi)Khuplienlam South Extn. Area(9811981655).

8) October ha sunga CAREER GUIDANCE SEMINAR PICHING KHAT NEI DING kithukimna a kinei hi. A ni pen ZOD Executive Body te'n ahing saipi ding uh ahi.

9) ZOD record luite leh file tengteng Tv T. Thangminlien apat deman lai tunsah ding pha a kisa chiet hi.
Thu leh tampi a kikhup zaw in, Hun kha thumna Tv Lalboi in a nei a, mipi ahing peikhawmteng in Annkuong imkhawmna a nei uhi. ZOD masawn hen!